Verumptamen propter certas causas animos suos ad hoe moventes disposuerunt, quod praefatus dominus Menso, de singulari gratia dictorum dominorum Decani et Capituli et ex intuitu eorum, ad praesens debeat retinere libere omnes et singulos grossos fructus, sive corpus praefatae suae vicariae altaris Sti Bartholomaei, hucusque per eum levatos et perceptos, démptis tarnen expensis in praesenti reysa a Daventria in Zutphaniam pergendo per ■ dominum officialem antedictum et me notarium subscriptum cum Swedero de Heerde cursore dicti domini officialis quomodolibet factis et faciendis, quas idem dominus Menso solvet et insolidum satisfaciet de grossis fructibus praemissis levatis. Sed unaquaeque dictarum partium satisfaciet advocate et procuratori suo in solidum, nee non domino officiali antedicto, judici et commissario ac notario et cursori praesentis causae pro rata loboris sibi impensi. Praeterea idem dominus Menso habebit copiam deliberandi se, infra hinc et primam diem mensis Octobris immediate sequentem, super personali residentia per eum extunc facienda in altero locorum, videlicet ecclesiae suae parochialis in Wichmond aut vicariae suae praenominatae.

Quam quidem sententiam, sic mox per saepedictos dominos Magistrum Gerardum et Swederum arbitros, mediante organo vocis saepedicti domini Magistri Gerardi, ut praemittitur, latam, dictae partes compromittentes illico hinc inde approbarunt et emologarunt, eamque ratam ac gratam habere voluerunt et habuerunt. Super quibus omnibus et singulis praemissis dictae partes compromittentes petierunt... ame notario subscripto unum vel plura publicum vel publica, una cum appensione sigillorum saepe dictorum dominorum arbitrorum, sibi fieri instrumentum vel instrumenta.