25 Broeder Arnoldus Welhuysen Buscoducensis, diaconus, out ontrent XXIII jaeren . . . dat broeder Theodoricus Spierinck pastor in Outheusden hem die bequaemste dunct, die nochtans by zynen tijt in den convente nyet gewoent en heeft, want hy die spreect maar vijftalf jaere alhier geweest en is. Dan compt de selve Spierinck dagelycx inder abdie mit hem ende andere religieusen converserende, alsoe hy die naeste pastoer is buyten der abdie residerende. Seit dat broeder Lambertus Scilman a Wamele prepositus ende broeder Henricus Buys supprior conventus, hem oick wel duncken bequaem, vuyt alle tgunt hy can bemercken, als wesende goede religieusen, haer otticie een yegelyck int zyn wel bewaerende. Seyt noch dat indien d abdie die costen mochte vervallen zoude hy wel begeeren datter een professor theologiae inden convente geordonneert werdde. Ondergeteyckent Fr. Arnoldus Weylhuysen.

26. Broeder Nicolaus Ottonisde Beka diaconus

out ontrent XXII jaeren broeder Theodoricus

Spierinck pastor in Outheusden hem die bequaemste dunct, want hy een goet religieux is, staende ter goede naemeende fame, ende verkeerende dagelycx inder abdie, alsoe hy daer vast by woent Seyt dat broeder Lambertus a Wamele prepositus ende broeder Henricus Buys supprior ende magister noviciorum meede goede religieusen syn, die hem bedunckt bequaem omme d'abdie tadministreren, want zy haer officien wel bewaeren. Seyt dat hy wel soude begeeren preceptorem ofte professorem theologiae, int convent gestelt te werdden, indient den prelaet toecomende sulcx beliefde. Onder was geteykent Nicolaus a Beecka filius Ottonis.

27. Broeder Petrus Simonis de Buscoducis diaconus out ontrent XXVIII jaeren . . . broeder Theodoricus Spierinck .... de welcke naest den convent woenende op zyn cure, dagelycx nochtans int convente compt ende converseert, ende is een goet religieux van