predicant. Gevraecht noch opte observancie van de religie, seyt dat hy geweest is ontrent XV jaeren in den voorscreven convente ende werdt die religie ende Goodtsdiensten wel onderhouden ende geoeffent by de religieusen, soe wel nu als doen hy daer eerst quam, ende ten tyde de voorscreve broeder Lambert prior was, hadde hy zeer scerp toesicht totten choer ende onderhoudenisse van dien in goede vigeur van religie. Seydt dat wel van noode soude zijn ende zeer profïytelyck voor den goodtshuyse van Berne datter een goet geleert man gestelt werde tot een lector ofte professor sacrae scripturae. Geteyckent Fr. Johannes Eyck.

20. Broeder Johannes deZwollis de Buscoducis librarius conventus out ontrent XXVIII jaeren ... dat hij broeder Theodoricus Spierinck pastoer in Outheusden houdt voor die bequaemste ende best gequalificeert die geweest is supprior ende oeck prior conventus, welcke officien hy loffelyck ende eerlyck heeft bedient, ende soe hy die spreect verstaet, heeft daer nae zyne cure van Outheusden oock wel geregeert. Voor die tweede dunckt hem bequaem, broeder Gerardus Balen prepositus in Honswyck, die binnen synen tyt inder abdie nyet gewoent en heeft, dan heeft wel gehoirt ende van anderen verstaen dat de selve Balen goede experiencie heeft oeck van weerlycke sacken, ende plach by heer Coenraets van Malsen tyde dickwils inder abdie te converseeren, als daer nyet verre aff residerende, te weten tot Worcum. len derden seyt ende verclaert dat broeder Lambertus de Wamele prepositus conventus hem oick wel bequaem dunct ende kent hem te bat, alsoe hy geweest is magister juvenum noviciorum ende daer nae oeck prior. Seyt opte observancie van der religie, dat de selve ende Goodtsdiensten redelyck wel in den convente vigeert ende onderhouden werdt, ende soude hy wel begeeren lectorem ofte professorem sacrarum litterarum in de voorscreven convente gestelt te werdden tot onderwysingen ende