draegen. Seyt dat broeder Theodoricus Spierinck jegen woirdich pastoer in Outheusden oeck een goet eerlyck religieux is, die eertyts geweest is prior ende supprior van der abdie, in welcke officien beyde hy hem eerlyck heeft gedraegen, ende daer nae geworden pastoer van Outheusden heeft de selve cure zoe wel geadministreert, dat hy die wel te voeren gebracht heeft, daer de zelve by zynen voersaet zeer veracbtert was. Dat daeromme de selve Spierinck hem die spreect oecke mede nut ende bequaem soude beduncken, omme abt geëligeert ende geconstitueert te werdden. Gevraecht opte observancie van de religie, ceremonien ende diensten Goodts in de voornoemde abdie, seyt dat hy ontrent vier jaeren vuyter abdie op zyn cure van Berlecom geweest ende geresideert heeft, dan soe veel hy can bemercken ende verstaen, commende in tselfde goodtshuys, werdt die religie aldaer tamelyck ende redelyck wel onderhouden ende die diensten Goodts op hueren tyt ende naer beboeren volbracht. Dan soude hem die spreect wel goet oerbaer ende vruchtbaer duncken datter een lectoer ofte professor gestelt werdde tot leeringe ende onderwysinge van der religieusen der selver abdie in lingua latina et literis sacris.

Geteyckent Fr. Walterus Gestel pastor in Berlicom.

7. Broeder Adrianus de Loon opt Sant, out ontrent XLVI jaeren, jegenwoirdich pastoer tot Heeswyck buyten Shertogenbosche, daer hy ontrent zeven jaeren gewoent heeft, gevraecht.... dat broeder Gerardus Balen .... broeder Theodricus Spierinck .... ende broeder Henrick Buys supprior jegenwoirdich van der abdie hem wel bequaem soude duncken te zyn omme d'abdie als prelaten respective te administreren, want die voorscreven Balen eertyts geweest is proost van der abdie, Spierinck prior ende supprior aldaer ende die derde is alsnoch supprior ende hebben eenen jegelyck zynen staet ende officie wel ende eerlyck bedient geliadt, sonder ergens aft achterhaelt geweest te zyn, ende is hy die spreect