alsnu pastoor in Outheusden hem die spreect oeck wel nut ende bequaem dunct, omme abt gestelt te werdden, alsoe hij prior van desen convente geweest is, ende alsnu is pastoer in Outheusden, daer deur hij goede experiencie gecregen heeft, tam in spiritualibus, quam temporalibus want hy zyne pastorie zeer verbetert heeft die by zynen voorsaet grootelyck ten achteren gebracht was. Boeven desen zyet dat broeder Gerardus van Cuyck geboeren van Heusden jegenwoirdieh proost tot Meersbergen by Wyck te Duerstede hem mede bequaem soude duncken te zyn totter administratie van der abdie, want hy eertyts supprior conventus is geweest ende hem eerlyek gedraegen heeft, ende is alsnu ontrent XVIII jaeren geweest proost tot Meersberge, daer by nyet en is dan een cappellaen, ende in effect missus in grangis sive in curtis. Seyt dat alle die gheen die sulex vuytgesonden werdden in curtis ofte in eenich convent voor confessoers, werden nae ouder gewoente van deese abdie geheeten prepositi. Gevraecht opt onderhout van de religie inde voorscreven abdie, seyt dat die religie wel onderhouden ende die diensten Goodts devotelyck gedaen werdden, dat men oeck veel aelmissen den armen distribueert en werdden die sloeten oeck wel bewaert, sonder dat die religieusen vageeren ofte ergens veel reysen, buyten sprelaets oorloeve. Ondergescreven Fr. Wichmannus Reneri ab Harderwyck pastor licet indignus in Bochovia.

A prandio ejusdem diei

5. Dominus Petrus Zuyren geboren van Zutphen jegenwoirdieh abt van Sinte Marienweert in Thielrewaert, out ontrent XLIX jaeren, pater abbas van t' convent

van Beerne, gevraecht ende vermaent heeft geseyt

ende verclaert dat hy is pater abbas ende visitateur van den convente ende goodtshuyse von Beerne ende deur dien kent redelyck wel die religieusen aldaer oeck mede en is hy niet verre van hem luyden geseten. Dunct hem daeromme dat broeder Gerardus van Cuyck nu