Anno et die ad marginem notatis (19 Julii 1557) nequissimi depopulatores, ablatis de nocte omnibus pastoris pecuniis et majore parte utensilium, eidem in lecto jacenti infflxerunt plus minus 20 vulnera et mactarunt instar bovis, effusoque cerebro et disperso per atrium reliquerunt nudum, adeo ut de tanta crudelitate vix unquam auditum sit. Cujus sanguineas maculas semper confratres in pretio habuere.

Errat Sanderus dum ejus passionem dicit contigisse circa tempus, quo Bernardus Boenen erat pastor in Roosendael, cum constat Bernardum tune nondum fuisse natum, utpote qui obiit 1622, aet. 47. Factus est autem camerarius 1550, 16 Julii.

Postquam hoe eodem anno 11 Aug. venerabilis ac beatae Memoriae Henricus Bosch (in litteris suis subscribit Henricus Buschen) scripsisset ad abbatem suum ex Esschen, se audita morte confratris, statim comparuisse in Parvo Sundert, ubi confratrem suum crudelissime interfectum et domum spolia tam repererat nee umquam quamdiu superviveret, excessura memoria vulnera illa dira et crudelia, quae sese expergiscenti saepius omni nocte offerebant. Paucos post dies et ipse a latronibus noct'i circa undecimam obrutus (23 Aug. 1577) et immanissime necatus est, ablatis praecipuis bonis. Habuit Henricus natale suum Roosendalium. Qui sub divi Norberti labaro militaturus candidam vestem apud Tongerloenses induit 1516 in vigilia nativitatis B. Jois Bapt., professionem emiset 1517, ubi postea ob raram doctrinam et vitae probitatem ex suppriore et priore Tongerloensi. constitutus est pastor in Duffle 1527, 2 Jun., resignat 1532, 16 lobris, investitus de Alphen 1522, 23 lobris ac postea de Nispen 1540, in fine Febr.

Vir fuit, teste vetusto necrologio nostro, religionis ac pauperurn mirus amator: testantur vin fide digni et omni ex ceptione majores, inquit Sanderus, ejus sanguinem decimo tertio ab ejusdem interfectionis anno in lapide perdurasse nee extingui potuisse, quasi perennes innocenter effusi cruoris notas silicibus consignasset.