den hals vol last hebben, hondert ende twintich gulden naer haerder Hoogheden ordonantie te geven. Soo deur zyne discretie beter sal bevroyen V. S. die Godt behouwe in zyne h. protectie.

6 May Boetendael. V. S. dinstwillieghe

fr. J. N e ij e n. (Archives du Royaume de Belgique, Papiers d' Etat et de 1' audience n. 951, fol. a. 1 en 2).

Aen haere doorluchtichste Hoocheden.

Verthoonen met alder oijtmoet die religieusen des convents van St. Clara in uwe Hoocheden stadt van Tshertogenbossche, hoe dat haere voors. Hoocheden inde maent van Meert lestleden hebben geaccordeert aende dochter van Martin Ruez. twee iaeren oudt wesende, adiudant du garde manger de votre hostel een provende in haer voors. convente off in plaetsche van nijdt acceptatie de somme van hondert twintich carolus gulden haere leven geduerende, van welcke vergunnen sij Remonstranten haer nijet genoech off en cunnen verwonderen en haer seer vinden geledeert ende beschwaert, vuijt dien dat het voorsz. Clooster omtrent over de drije hondert jaeren gestaen hebbende van al sulclce provende noyt en is gemoijt geweest, noch emmermeer tselve gepractiseert te sijn bij haere doorluchtichste Hoocheden voirsaten, hertogen ende hertoginnen van Brabant sonder oijcJc dat tselve convent bij eenighe hertoghen off hertoginnen van Brabant tot een Abdije „prioraetschap of andere digniteijt is geerigeert dan alleenlijk bij eenen particulier inwoonder der voorsz. stadt, tot een simpel vrouwen Clooster van St. Clara des ordens van St. Franciscus gefondeert ende gedateert ende bij syne heyligheid geconfirmeert, welcke dotatie soo sober ende cleijn is dat oock inden vreedelijcken tyden over de vijfftich, hondert ende meer jairen tselve convent met het iaerl. innecomen nijet en is onderhouden geweest, maer alsdoen oock henne goederen hebben moeten beschwaeren en vercoopen. VVaer vuijt lichtelyck gespuert can wordden in wat armoede ende achterheijt sij Remonstranten geduerende dese inlantsche oorloghen sijn gecomen, als wanneer die vijanden ende rebellen de goederen