2.

Jan die momber, Wouter van den Loeck, Engbrecht van den Bersellare, Michiel Anergaen, Arnt van Vucht, Jan Laurenssone en Gherit van den Loo verklaren, dat lieer Wilhem, priester, alle schulden heeft ontvangen, welke de Zusters Tertiarissen te Boxtel hem nog moesten betalen, en dat Jan Haywygen en Andries Moys, kerkmeesters, de pachtsommen ontvangen hebben, welke genoemde Zusters aan de kerk van Boxtel schuldig zijn.— 1483 Julie 3.

Wij, Jan die momber, Wouter van den Loeck, Engbrecld van den Bersellare, Michiel Anergaen, Arnt van Vucht, Jan Laurenssone ende Gherit van den Loo, scepenen in Boxtel, tuygen, dat voor ons comen is hem Wilhem die momber, priester, in synen properen persoen ende heeft quijtgeslagen ende gescouwen der zusteren ende convent der Derder Regulen Sancti Francisci tot Boxtel van allen ende eenen yegelige sculden ende toeseggen, die tvoirsz convent sculdich was hem Wilhem voirsz., als van den huys, hoff ende hofstat, dwelck 't convent voirsz. tegen hem gecoft heeft, gelyk dat in scepenen litteren van Boxtel, dan opgemaeckt, volcomelyck begrepen is; geloven voert voir hem zyn oere erfgenamen ende nacomelingen, als een principael sculdenaer op hem ende allen sijn gueden hebbend ende vercrigend, dese voirsz. quxjtsceldinge ewelyc vast ende stedich te houwen sonder enich wederseggen. Ende voert heeft hem hem Wilhem voirsz. bedanckt gueder betalinge van 'sconvents wegen voirsz., alle droch ende argelist dair inne uutgesloten. Item voirt zyn comen Jan Haywygen ende Andries Moys als kerchneesters ende hebben hem bekent vernuecht ende wael betaelt te zyne van allen jaerlilce ende erfelilce pachten, als die kercke van Boxtel opt voirsz. huys erfelyk gelden heeft totten dage toe van huyden, oeck droch ende argelist uutgesloten. Des toer conde hebben wy scepenen voirsz. onsen gemeynen segel ons scependoms desen openen litteren ende quytancy aengehangen in den jare ons Heeren duysent vierehondert tachtentich ende drie den zesten dach der maent Julij.

Oorspronkelik. Zegel is verdwenen.